نكت لاحلى اعضاء

السلام عليكم
جبتلكم نكت ويارب تعجبكم

• مرة واحد عداه العيب خد اللي بعده.
  
• مرة واحد دماغه لفت قابلها من الشارع التاني.
  
• واحد اتجوز واحدة اسمها نعمة باسها وش و ضهر.
  
• مدير مدرسة عمل فرح وزع على المعازيم أرقام جلوس.
  
• واحد شحات راح لواحد عجلاتي قال له أعطيني مما أعطاك الله، قال له العجلاتي خد لك لفة.
  
• مدرس جغرافيا جاب لمراته هدية سلسلة جبال.
  
• واحد بلدياتنا نزل محطة مصر لقى بتاع الأنابيب بيخبط عليها، قال له افتحلي واحدة ساقعة لو سمحت.
  
• مرة اتنين مساطيل قاعدين بيحششوا قدام نشرة الأخبار في التليفزيون فنشرة الأخبار طولت، راح الأول قال للثاني: هيه ليه نشرة الأخبار طولت النهاردة كدة؟ رد عليه الثاني و قال: معلش أصل شكلها كدة النهاردة آخر حلقة.
  
• اتنين بلدياتنا فكروا يلعبوا شطرنج ... الملك ضرب نفسه بالنار.
  
• مرة سواق تاكسي قابل واحد مسطول قال له تاخد كام و توديني فين؟؟ السواق رد عليه و قاله: هات اللي تجيبه و انزل هنا.
  
• مرة واحد توأم شاف أخوه قال له: انت فين من الصبح يخرب شكلك أمي خلتني أستحمى مرتين.
  
• مرة سواق تاكسي داس بنزين موته.
  
• مرة سواق تاكسي داس فرامل فعصه.
  
• مذيعة قابلت اتنين مساطيل فسألت الأول: إيه رأيك في مصر؟ فرد عليها و قال: مصر دي أمي، فسألت الثاني نفس السؤال فرد عليها و قال: مقدرش أتكلم على أم واحد صاحبي.
  
• واحد بلدياتنا عاوز يفسح عروسته في شهر العسل، فسحها في منحل.
  

اسف يا جماعة لو الخط صغير بس اكيد هتفهموا معلش استحملونى بقى هههه

مشكور أخي على النكت الجميله و الرائعه كله من خفه دمك

شكرا يا عسل على الموضوع الجميل جدا جدا
تسلم ايدك ولا تحرمنا من ابداعك المتواصل
ان شاء الله تحياتى

ههههههههههههههههه
شكرا اخى شيتوس على الابداع
يا مبدع

مشكور اخى نكت جميله جدا
ههههههههههههههههههههههههههههه

ههههه يسلمو شيتوس .. هه وراك وراك خيو لاحقتك وين ما تروح